د ایران د سپاه پاسداران سمندري ځواک ادعا کړې، چې د هرمز تنګي په سوېل کې دوه تېل لېږدوونکې بېړۍ له سمندري ماینونو سره له لګېدو وروسته چاودېدلي او اور یې اخیستی دی.
د سپاه په وینا، دغو بېړیو د خپل تګ راتګ او اتومات پېژندنې سیسټمونه بند کړي وو او غوښتل یې په پټه له غیرمجازې لارې تېرې شي. دغه ځواک زیاته کړې، چې له پېښې وروسته دوو نورو بېړیو د سپاه خبرداری منلی او بېرته د خلیج اوبو ته ستنې شوې دي.
دا په داسې حال کې ده چې له څو ورځو راهیسې هره ورځ په هرمز تنګي کې د بېړیو د اورلګېدنې پېښې رامنځته کیږي.
