اکسیوس د یوې باخبره سرچینې له قوله راپور ورکړی چې د ایران د بهرنیو چارو وزیر عباس عراقچي ښايي د شنبې په ورځ سویس ته سفر وکړي، خو د هغه د سفر پروګرام لا هم وروستی شوی نه دی او د بدلون امکان لري.
د سرچینې په وینا، عراقچي د جمعې په ورځ خپلو څو بهرنیو سیالانو ته ویلي چې په لبنان کې د اوربند عملي کېدل د امریکا او ایران ترمنځ د راتلونکو مذاکراتو برخلیک ټاکلی شي.
یوې بلې سرچینې، چې د منځګړو هېوادونو له ډلې یوه پورې تړاو لري، ویلي چې ایراني چارواکو ټینګار کړی تر هغو چې د اوربند عملي کېدل ونه ویني، سویس ته د سفر پرېکړه به ونه کړي.
په همدې حال کې، د قطر لومړی وزیر محمد بن عبدالرحمن آل ثاني، چې د امریکا او ایران ترمنځ د مهمو منځګړو له ډلې شمېرل کېږي، د جمعې په ورځ تر ټاکلي وخت مخکې سویس ته رسېدلی دی.
ټاکل شوې وه چې د امریکا د مرستیال ولسمشر جیدي ونس په مشرۍ امریکایي پلاوی په دغو خبرو کې ګډون وکړي، خو نوموړي د پنجشنبې په ماښام خپل سفر په وروستۍ شېبه کې وځنډاوه.
تر اوسه روښانه نه ده چې جیدي ونس به د روانې اونۍ په پای کې سویس ته سفر وکړي او که نه، خو د دواړو لورو د احتمالي خبرو راتلونکی لا هم له ابهام سره مخ دی.
