العربیه ويلي، چې د سویس په بورګناشتوک سیمه کې د لومړۍ رسمي غونډې له پیل مخکې دوهاړخیزې او درېاړخیزې خبرې اترې پیل شوې دي.
راپورونه وایي چې دا لیدنې او سلا مشورې د رسمي مذاکراتو د اجنډا او مهمو موضوعاتو د همغږۍ په موخه ترسره کېږي.
ایراني رسنیو هم خبر ورکړی چې د دواړو لورو ترمنځ لومړۍ رسمي غونډه به نن له غرمې وروسته جوړه شي.
تمه کېږي چې په دغو مذاکراتو کې د دواړو خواوو ترمنځ د شویو تفاهمونو د عملي کېدو، سیمهییزو امنیتي موضوعاتو او نورو اړوندو مسایلو په اړه بحثونه وشي.
