د طالبانو حکومت د صنعت او سوداګرۍ وزارت سرپرست نورالدین عزیزي یو وار بیا په نړیوالو غږ کړی، چې د افغانستان کنګل شوې شتمني ازاده کړي.
نور الدین عزیزي کابل کې یو کنفرانس ته ویلي، د افغانستان کنګل شوې شتمني د افغانانو او خصوصي سکتور ده او که نړۍ په ریښتیا هم له خصوصي سکتور څخه ملاتړ کوي؛ نو دغه شتمني دې ازاده کړي.
عزیزي زیاتوي، دوی له ټولو سوداګرو سره همکاري کوي او له پانګوالو غواړي، چې په افغانستان کې پانګونه وکړي.
