د نوبل د سولې جایزې ګټونکې ملاله یوسفزۍ وايي، له نورو فعالانو سره یوځای یې د بریتانیا له پارلمان غوښتنه کړې، چې هغه څه په رسمیت وپېژني چې د طالبانو د رژیم لهخوا جنسیتي اپارټایډ یا تبعیض ګڼل کېږي.
ملالې یوسفزۍ پر خپله ایکسپاڼه لیکلي چې موږ باید د افغان نجونو او ښځو پر وړاندې د جنایتونو له کبله له طالبانو سره حساب- کتاب وکړو.
هغې ویلي چې د پارلمان او حکومت نه تمه لري چې د کوټلو اقداماتو له لارې دا موضوع تعقیب کړي.
په ورته وخت کې د بخښنې نړیوال سازمان هم ویلي، چې د طالبانو حکومت دې ټول هغه فرمانونه بېرته لغوه کړي چې پر ښځو پکې بندیزونه لګول شوي.
