د اسرائیل لومړي وزیر بنیامین نتنیاهو ویلي، چې پوځیانو یې د حماس د سیاسي دفتر مشر یحیی السنور وژلی دی.

د ایسنا خبري اژانس د راپور له مخې، د اسرائیلو لومړي وزیر بنیامین نتنیاهو ویلي، چې پوځیانو یې د پنجشنبې په شپه د حماس د سیاسي دفتر مشر یحیی السنور وواژه.

نتنیاهو زیاته کړې، چې زموږ ماموریت لا پای ته نه دی رسېدلی او موږ باید په غزه کې اسرائیلي بندیان آزاد کړو.

هغه ویلي، چې موږ به د یرغمل شویو کسانو د بیرته ستنولو لپاره خپلو هڅو ته دوام ورکړو.

تر دې وړاندې د اسرائیل پوځ د غزې تړانګې په جنوب کې د چهارشنبې په ورځ په عملیاتو کې یو جسد وموند او د DNA له معایناتو وروسته یې اعلان وکړ چې د حماس مشر یحیی السنوار یې وژلی دی.

د ټولنیزو رسنیو یو شمېر کارونکي په طالبانو نېوکه کوي چې د هندوستان هېواد له لوري تېر جمهوري‏ نظام سره مرسته شوي ملي بسونه رنګ کړي او اوس یې دا د افغانستان د تولید په نامه نومولي.

دوی ویلي، چې دروغ او تبلیغات هم حد لري، کمپني او شرکت یې نشته او ملي بس یې جوړ کړی دی.

دوی د پوښتنې په شکل ویلي، چې دا ملي بس د کومې کمپنۍ او کوم سرمایه ګزار په پانګونې جوړ شوی دی؟

دوی لیکلي:”یو شمیر ملي بسونه د جمهوریت وروستیو میاشتو کې د ترانسپورټ وزارت لخوا د عامو ښاریانو دپاره را وارد شوي وه، چې د طالبانو چسپکي ماینونو له امله ودرول شول، ترڅو عام ښاریان قرباني نشي، اوس طالبانو په داسې حال کې د ایران په پوله د ۳۰۰ تنو شهیدان او ټپي شوو او د همدې خبر کمرنګه کولو او تبلیغاتو موخه دا نشر کړی.”

دوی ویلي، که دومره لویې کمپنۍ افغانستان کې د طالبانو حکومت کې فعاله وی بیا ځوانان ولې په قاچاقي لارو تګ ته مجبورېدل او د پردیو هېوادونو له لوري په بې رحمانه ډول وژل کېدل.

د ایران په سراوان سرحدي سیمه کې د ایراني پوله ساتو ځواکونو لخوا په افغان کډوالو د برید نږدې درې ورځې تېرېږي؛ خو د طالبانو حکومت تر اوسه په دې اړه هېڅ ډول تحقیقات وړاندې کړي نه دي.

د ټولنیزو رسنیو ګڼ کاروونکي د طالبانو په حکومت نېوکه کوي، چې ګواکې طالبان د ایراني چارواکو سره پخه ملګرتیا لري او د همدې په اساس د ایران له لوري مرګوني برید ته د ګنګوسې نوم ورکوي.

د یادونې ده، چې د طالبانو حکومت رئیس الوزرا ملا محمد حسن اخوند یو ټیم د تحقیقاتو لپاره لېږلی؛ خو تر دې دمه یې هیڅ راپور رسنیو ته نه دی ورکړی.

اسرائیلي رسنۍ وایي، چې د اسرائیلو په برید کې د حماس ډلې مشر یحیی سنوار وژل شوی دی.

د اسرائیل پوځ ویلي، چې په غزه کې یو جسد یې موندلی و او د DNA له معایناتو وروسته معلومه شوې چې یحیی سنوار وژل شوی دی.

د حماس ډلې تر اوسه په دې اړه څه نه دي ویلي.

د افغان سولې لپاره د امریکا پخوانی ځانګړی استازی زلمی خلیلزاد وایي، چې د ایران په سراوان کې د ایراني پوله ساتو ځواکونو له لوري د افغان کډوالو د وژلو راپورونه که رېښتیا شي؛ نو دا به د ایران لپاره ډېرې بدې پایلې ولري.

زلمي خلیلزاد په خپله ایکس‌پاڼه لیکلي، چې مونږ باید د باوري څېړنو پایلو ته په تمه شو.

په ورته وخت کې بیا د افغانستان لپاره د ایران د ولسمشر استازي حسن کاظمي قمي د ایراني پوله ساتو ځواکونو له لوري د افغانانو وژنه یو توجیه شوی عمل وباله او دفاع یې وکړه.

که څه هم د ایران په سراوان سیمه کې د ایراني ځواکونو له لوري د ۲۶۰ افغانانو وژلو په نړۍواله کچه توند غبرګونونه راپارولي؛ خو د طالبانو حکومت ویاند ذبیح الله مجاهد تېره ورځ په خپله ایکس پاڼه لیکلي وو چې د دغې ګنګوسې په تړاو تحقیقات ترسره کوي.

په جمهوري نظام کې د پکتیا والي حلیم فدایي په افغانستان کې د پوهنتون د فارغینو په لاس جوړ شوي موټربسونو او هر ډول ایجاد او اختراع د خوښۍ ترڅنګ طالبان په غوږ وهلي او ویلي چې ملایان د عصري زده کړو مخالف دي او دې اختراع ته دې اټن نه کوي.
ښاغلي فدایي په خپله ایکس‌پاڼه لیکلي:”بدبختانه؛ هغه کسان چې همدې ایجاد ته اتڼ کوي، د همدې پوهنتونو دروازې یې د نجونو پرمخ بندې کړې دي.”

ښاغلي فدایي دغه راز ویلي، چې کاش دوی(طالبان) فکر او ایډیالوژۍ هم له عصر سره اپډېټ کېدای شوی.

دا په داسې حال کې ده چې نن د طالبانو حکومت ویاند ذبیح الله مجاهد وویل، چې په افغانستان کې نوی بس موټر تولید شو.

د طالبانو د صنعت او سوداګرۍ وزیر نورالدین عزیزي افغانستان ته د چرګانو د غوښې د وارداتو د ځنډولو اعلان وکړ.

نورالدین عزیزي ویلي، چې دا لا معلومه نه ده چې له برازیل څخه وارد شوي چرګان حلال دي که حرام.

نوموړي زیاته کړې چې خلک برازیلي چرګان په شک سره خوري.

نوموړي دغه راز ویلي، چې زموږ علماو پریکړه کړې چې د کورنیو تولیداتو د ملاتړ په موخه له ګاونډیو او لرې پرتو هیوادونو څخه د چرګانو واردات په بشپړه توګه بند کړي.

وروسته تر هغه چې د ایران په سراوان سرحدي سیمه کې ایراني پوله ساتو ځواکونو ۲۶۰ افغان کډوال ووژل، تازه د دغه هېواد د پولیسو قومندان قاسم رضایي له خپلو وګړو غوښتي چې د غیر قانوني کډوالو د راټولېدو او ځای په اړه دې د پولیسو شمیرې ته خبر ورکړي.

قاسم رضایي له ایسنا خبري اژانس سره په خبرو ویلي چې په هر هیواد کې د بهرنیو وګړو غیر قانوني اوسېدنه جرم دی او دا مسئله زموږ په هیواد کې هم همداسې ده.

نوموړي ویلي، کوم کسان چې په قانوني توګه ایران ته راغلي وي، زموږ مېلمانه دي او دا مسئله هیڅ ستونزه نه لري.

رضایي دغه راز ویلي، چې هغه کسانو سره به قانوني چلند وکړي چې بهرنیو اتباعو ته کار ورکوي.

د امریکا دفاع وزارت وایي، چې امریکایي ځواکونو یمن کې تر ځمکې لاندې د حوثیانو د وسلو پر پنځو زېرمو بریدونه کړي.

د امریکا دفاع وزیر لویډ اسټین وایي، چې په دغو زېرمو کې د حوثیانو له لوري هغه وسلې ساتل کېدې چې سیمه کې یې د دغه هېواد پوځي بېړۍ پرې په نښه کولې.

په ورته وخت کې رویټرز خبري اژانس ویلي، چې حوثیانو د تېر کال نومبر میاشتې راهیسې سور سمندرګي کې د امریکا پر پوځي بېړیو څه د پاسه سل بریدونه کړي.

رویټرز زیاته کړې چې په دغه بریدونو کې دوه بېړۍ یې ډوبې کړي، یوه یې نیولې او څلور تنه یې پکې وژلي دي.

د طالبانو حکومت ویاند ذبیح الله مجاهد وایي، چې په افغانستان کې نوی بس موټر تولید شو.

ښاغلي مجاهد په خپله ایکس‌پاڼه لیکلي، چې دا بس به په هېواد کې د ښاري خدماتو لپاره په کار غورځي.

نوموړي ویلي چې دا د افغانستان کورنی تولید دی چې ډير ژر به یې په اړه افتتاحیه مراسم هم ترسره شي.

هغه دغه راز ویلي چې افغانستان د خود کفايۍ او پرمختګ په لور ګامونه اخلي.