د امریکا پوځ ویلي، تېره شپه یې دوه بالستیک توغندي شنډ کړي چې د ایران له لوري توغول شوي او په کویټ کې مېشت امریکایي ځواکونه یې هدف ګرځولي وو.
د امریکا د مرکزي پوځي قوماندانۍ یا سېنټکام په وینا، دغه توغندي سمدستي له منځه وړل شوي او په پېښه کې هیچا ته زیان نه دی اوښتی.
سېنټکام ویلي، امریکایي ځواکونه په بشپړې بیدارۍ کې دي او د هر ډول احتمالي ګواښ پر وړاندې د خپلو ځواکونو د دفاع لپاره چمتووالی لري، په داسې حال کې چې د روان اوربند د ټینګښت ملاتړ هم کوي.
تر اوسه د ایران له لوري د دې ادعا په اړه رسمي غبرګون نه دی ښودل شوی.
