د پاکستان لومړی وزیر شهباز شریف وایي، هېواد یې انتظار باسي، ترڅو طالبان د تروریستي ډلو پر وړاندې مبارزه وکړي.
نوموړي د ترکیې له ولسمشر رجب طیب ارودغان سره لیدنه کې ویلي، افغانستان یو ګاونډی هېواد دی او دوی تمه لري چې دا هېواد د ترهګرو ډلو پر وړاندې مبارزه وکړي.
نوموړی دا څرګندونې داسې مهال کوي چې د طالبانو حکومت وایي، په کور دننه یې د ټولو ترهګرو ډلو په وړاندې مبارزه کړې او افغانستان کې اوسنۍ ترهګرې کړنې پاکستان کې پلانیږي.
د المان لومړی وزیر اولاف شولتز وایي، هغه تن، چې پر خلکو یې موټر ور خېژولی، باید مجازات او له دغه هېواد څخه وشړل شي.
الماني رسنیو لیکلي، چې پولیسو په دې تور یو افغان موټر چلوونکی نیولی.
دا په داسې حال کې ده، چې د المان پولیسو ادعا کړې چې هغه موټر چلوونکی چې تېره پنجشنبه یې په مونیخ ښار کې د موټر په واسطه برید کړی و یو افغان وګړی دی.
الماني چارواکو د دغې پیښې چې له امله یې ۲۸ کسان ټپیان شوي وو یوه مشکوکه حمله ګڼلې.
د روسیې د بهرنیو چارو وزارت د کندز برید په سختو ټکو غندلی او له طالبانو یې غوښتي، چې د برید عاملین دې ونیسي او سزا دې ورکړي.
یاد وزارت نن په یوه اعلامیه کې ویلي چې د دغه برید هدف د افغانستان په شمالي سیمو کې د سیاسي وضعیت لا زیات خرابول دي.
دغې وزارت زیاته کړې، چې دا برید د ترهګریزو هڅو یوه برخه ده چې موخه یې د افغانستان بېثباتي ده.
د یادونې ده چې تېره دوشنبه کندز کې د کابل بانک مخې ته ځانمرګي برید پنځه تنه ووژل او ۷ نور ټپیان شول.
د طالبانو حکومت افغانستان کې په خصوصي رسنیو کې سیاسي خپرونې بندې کړې.
د خصوصي رسنیو مسؤلینو ته ویل شوي، چې تر دې وروسته هر ډول سیاسي خپرونې بندې دي.
ویل کېږي دا امر له کندهار راغلی دی.
تر اوسه په دې اړه څه نه دي ویل شوي، چې دا خپرونې به تر څه وخته بندې وې، خو تر دې وړاندې هم د یوې ورځې لپاره د رسنیو سیاسي خپرونې بندې شوې وې.
د طالبانو حکومت د اطلاعاتو او کلتور وزیر خیرالله خیرخواه د ناروې د سفارت له شارژدافیر سره په لیدنه کې د کلتوري میراثونو د ساتنې په برخه کې د مرستې غوښتنه کړې ده.
ددغه وزارت څخه په خپره شوې خبرپاڼه کې ویل شوي، خیرالله خیرخواه ویلي چې د کلتوري میراثونو ساتنه یوازې د افغانانو دنده نه ده، بلکې نړیوال دې هم له افغانستان سره مرسته وکړي.
د ناروې سفارت شارژدافیر ډاډ ورکړی چې د کلتوري میراثونو د ساتنې په برخه کې د اړوندو بنسټونو له لارې به خپلې مرستې جاري وساتي.
د یادونې ده، چې افغانستان د کلتوري میراثونو له اړخه بډای هېواد بلل کېږي، خو دغه میراثونه چې ډېری یې تاریخي آبدې دي، په جګړو کې سخت زیانمن شوي دي.
د ترکیې ولسمشر رجب طیب اردوغان د پاکستان له لومړي وزیر شهباز شریف سره په یو ګډ خبري کنفرانس کې ویلي، چې که ترکیه او پاکستان له یو بل سره لاس ورکړي؛ نو د سیمې امنیت، اقتصاد او ثبات کې به بې ساری پرمختګ رامنځته شي.
په همدې حال کې د پاکستان لومړي وزیر شهباز شریف ویلي، چې ترکیه او پاکستان هغه دوه هېوادونه دي، چې له یو بل سره تر ټولو نږدې اړیکې لري
د یادونې ده چې رجب طیب اردوغان اسلام اباد ته په یو رسمي سفر تللی.
د تحریک طالبان پاکستان ډلې په یوه بیان کې ویلي چې په فیصل جومات کې ویډیو د ټولنیزو رسنیو د یوه فعال له خوا ثبت شوې ده.
دغه بیان زیاتوي، چې د امریکا سفارت لخوا خپور شوی د ګواښ خبر «بېبنسټه» دی او د خلکو ترمنځ یې ویره خپره کړې ده.
یادې ډلې په بیان کې په ټینګه ویلي چې جوماتونه د دوی د برید هدف نه دي.
ایران کې د افغانستان پخواني سفیر عبدالغفور لېوال نن د کور او ښار جوړونې وزارت کې ځانمرګي برید سره سم، د جمهوریت پر مهال د طالبانو له لوري افغانستان کې کېدونکو ځانمرګو بریدونو ته په اشارې لیکلي، چې «طالبان ریښتیا وایي او ټول ځانمرګي بریدګر له پاکستان راتلل او اوس هم راځي.”
ښاغلي لېوال لیکلي، ژر به د هغه پاکستاني مرکزونه په نښه شي، چې پکې د افغان زلمیو ماغزه وینځل کېدل، واسکټونه ور تړل کېدل او د افغان ماشومانو او ښځو د وژلو لپاره رالېږدول کېدل.
د لېوال په خبره، ټول حقیقتونه به راڅرګند شي؛ خو بیا به زیات ناوخته وي.
دا په داسې حال کې ده، چې روانه اوونۍ دویم ځانمرګی برید دی، چې په طالبانو ترسره کېږي.
د دغو بریدونو مسؤلیت داعش ډلې منلی او طالبان بیا وایي، چې یاده ډله پاکستان کې روزنیز مرکزونه لري.
د المان پولیسو ادعا کړې چې هغه موټر چلوونکی چې تېره پنجشنبه یې په مونیخ ښار کې د موټر په واسطه برید کړی و یو افغان تبعه وګړی دی.
الماني چارواکو د دغې پیښې چې له امله یې ۲۸ کسان ټپیان شوي وو یوه مشکوکه حمله ګڼلې.
د یاد هیواد پولیسو زیاته کړې، موږ فکر نکوو چې دا پیښه دې د مونیخ د امنیتي کنفرانس سره تړاو ولري خو د دغه هیواد د چارواکو په ادعا نیول شوی افغان تبعه وګړی له مخښکې هم په مخدره توکو، غلاوو او نورو جرمونو کې تورن دی.
د طالبانو حکومت د ریاست الوزرا اقتصادي مرستیال ملا عبدالغني برادر قطر هېواد ته د خپل سفر په ترڅ کې نن د قطر هېواد له رئیس الوزراء محمد بن عبدالرحمن آل ثاني سره کتلي.
د ریاست الوزرا اقتصادي معاونیت په خپله ایکس پاڼه لیکلي، چې د دې کتنه کې د افغانستان او قطر ترمنځ د اړیکو او اقتصادي مسایلو او د حکومت په خصوصي سکټور له لورې د پانګونې په موضوعاتو بحث شوی.