د امریکا ولسمشر ډونالډ ټرمپ ویلي چې که له ایران سره هوکړه ونه شي، نو امریکا به بیا بمباران پیل کړي، خو هممهاله یې د توافق نږدې کېدو خبره هم کړې ده.
ډونالډ ټرمپ د جمعې په شپه له خبریالانو سره په خبرو کې ویلي چې که له ایران سره توافق و نه شي، نو امریکا به پوځي بریدونه بیا پیل کړي.
هغه ویلي چې یوازې څو ورځې پاتې دي او که هوکړه وشي، ښايي وضعیت بدل شي.
ټرمپ زیاته کړې چې له ایران سره خبرې روانې دي او دواړه لوري یوې هوکړې ته نږدې شوي دي، خو ځینې اختلافات لا پاتې دي.
په ورته وخت کې اکسیوس راپور ورکړی چې په خبرو کې پرمختګ شوی، خو لا هم ځینې مهم اختلافات نه دي حل شوي.
