د امریکا پخواني ولسمشر باراک اوباما په شیکاګو ښار کې خپل د «ولسمشرۍ مرکز» پرانیست.
اوباما د پرانیستې په مراسمو کې د دې مرکز هدف د ټولنې د پیاوړتیا او د راتلونکي نسل د روزنې په توګه یاد کړ.
هغه په خپله وینا کې وویل چې دا مرکز د دې لپاره جوړ شوی چې زده کړې، ټولنیز ګډون او د ځوانانو د ظرفیت لوړولو لپاره فرصتونه برابر کړي.
اوباما همداراز ټینګار وکړ چې د دې مرکز موخه یوازې د تاریخي میراث ساتنه نه ده، بلکې دا هم ده چې د خلکو ترمنځ اړیکې پیاوړې شي او ځوان نسل ته د رهبرۍ او پرمختګ لارې پرانیستل شي.
هغه زیاته کړه چې د امریکا راتلونکی د ځوانانو له ونډې او د ټولنې له یووالي سره تړلی دی او باید هېواد د سیاسي وېش پر ځای ګډو ارزښتونو او ګډو اهدافو ته کار وکړي.
