د هیواد پیژندل شوی لیکوال او شاعر او د پخواني ولسمشر اشرف غني په کابینه کې د اطلاعاتو او کلتور وزیر عبدالباري جهاني د «امارت» مشرانو ته په خپل څلورم لیک کې له هغوی پوښتلي، چې د حضرت رسول اکرم (ص) څخه نیولې بیا تر اوسه داسې خلیفه، امیر، سلطان یا پاچا مو لیدلی، لوستی یا اورېدلی دی چې له خپلو خلکو او حتی له خپلو وزیرانو څخه مخ پټوي؟
ښاغلي جهاني په دغه لیک چې حماسه میډیا ته یې استولی، په طالبانو نیوکه کړې چې په کابینه کې تر دې مهاله اصلي قدرت د پښتنو او هغه هم د یوه ټاکلي سمت د پښتنو اقوامو په لاس کي دی.
د اطلاعاتو او کلتور دغه پخواني وزیر د طالبانو حکومت ته خبرداری ورکړی چې ګوندي حکومت، د یوې خاصې لارې او ایدیالوژۍ حکومت، په یوه کثرالاقوام هیواد کې د یوه ځانګړي سمت او قوم حکومت ډېر دوام نه شي کولای.
د ښاغلي جهاني لیک به زمونږ په ویب پاڼې ژر خپور شي او د لیک نور جزیات هغې کې لوستلی شئ.
