د تحریرالشام ډلې مشر ابومحمد جولاني خپلو جنګیالیو ته ویلي چې د سوریې ټول رسمي بنسټونه به تر هغې د دغه هېواد د لومړي وزیر تر څار لاندې وي، ترڅو واک دوی ته په رسمي ډول سپارل کېږي.
هغه خپلو جنګیالیو ته ویلي، چې په رسمي بڼه د واک تر سپارلو پورې باید هیڅ دولتي ارګان ته نږدې نشي.
هغه دغه راز غوښتنه کړې، چې هوايي ډزې باید ونه شي او دا چاره یې منع اعلان کړې ده.
دا په داسې حال کې ده، چې د سوریې لومړي وزیر په یو ویډیويي پیغام کې ویلي، چمتو دی، چې ټول واک خپل مخالفینو ته وسپاري.
