د تهران ټایمز د راپور له مخې، ایران په سیمه کې د عراق او افغانستان ترمنځ د یوه مهم ترانزیټي او اقتصادي پله په توګه خپل رول لا پیاوړی کوي.
په راپور کې ویل شوي چې د ایران جغرافیایي موقعیت او د ترانسپورټي دهلیزونو پراختیا هغه لاملونه دي چې دغه هېواد یې د سیمهییزو سوداګریزو لارو په مرکز بدل کړی دی.
د معلوماتو له مخې، ایران هڅه کوي د رېل پټلۍ، سړکونو او بندري زیربناوو په پراختیا سره د عراق، افغانستان او نورو ګاونډیو هېوادونو ترمنځ د ترانزیټي اړیکو کچه لوړه کړي.
شنونکي وايي چې دا پرمختګ کولی شي د سیمې د سوداګرۍ د زیاتوالي، د ټرانزیټ د لګښتونو د کمېدو او د هېوادونو ترمنځ د اقتصادي همکارۍ د پراخېدو لامل شي.
