د امریکا د خزانې وزارت اعلان کړی چې د ایران د نفتو او پتروشیمي محصولاتو صادرات به د یوې ځانګړې اجازې له مخې په لنډمهالي ډول له بندیزونو معاف وي.
د امریکا حکومت په یوه خبرپاڼه کې ویلي چې د ایراني اصله خامو نفتو، پتروشیمي محصولاتو او نورو نفتي تولیداتو لېږد او پلور به د ۲۰۲۶ کال د اګست تر ۲۱مې نېټې پورې د بندیزونو له محدودیتونو مستثنا وي.
د خبرپاڼې له مخې، دا معافیت د ټاکلې مودې لپاره نافذ دی او د ایران د انرژۍ سکتور اړوند صادرات په کې شامل دي.
