د کوزې پښتونخوا وتلې سیاسي څېره اود ملي دیموکراتیک خوځښت مشر محسن داوړ وایي، د بلوڅ یکجهتي کمیټې (BYC) د مشرې مهرنګ بلوڅ او نورو غړو ته د عمري قید سزا ورکول سخت ظلم او د سیاسي مبارزې پر ضد برید دی.
هغه ویلي چې په یو نامعلوم او غیر شفاف عدالتي بهیر (شکمنه محاکمه) کې دا پرېکړه شوې چې دا کار جدي بېعدالتي ده.
داوړ زیاته کړې چې د مخالفت غږ د زور او جبر له لارې نه شي چوپېدلی او نه به دا ډول اقدامات د خلکو ستونزې حل کړي، بلکې برعکس به نارضایتۍ نورې هم زیاتې کړي.
