د امریکا د بهرنیو چارو وزارت ویاند ټامي پیګوټ ویلي، ډونالډ ټرمپ غواړي له ایران سره داسې هوکړه وکړي چې د امریکا، نړۍ او راتلونکو نسلونو امنیت خوندي کړي.
نوموړي له فاکس نیوز سره په خبرو کې ټینګار کړی چې د ټرمپ اساسي غوښتنه دا ده چې ایران باید هېڅکله اټومي وسلو ته لاسرسی پیدا نه کړي.
پیګوټ زیاته کړې، د باراک اوباما د حکومت پر مهال شوی اټومي تړون «ناکام» و او ادعا یې کړې چې هغه هوکړې ایران ته د اټومي وسلو د ترلاسه کولو لار هواره کړې وه.
