د ملګرو ملتونو د بشري حقونو عالي کمېشنرۍ مشر، ولکر ترک له افغانستان او پاکستان غوښتي چې روانه جګړه ژر تر ژره پای ته ورسوي.
هغه ویلي چې د تېرې اوونۍ راهیسې د دواړو هېوادونو ترمنځ د نښتو له زیاتېدو وروسته لږ تر لږه ۵۶ ملکي افغانان وژل شوي او ۱۲۹ نور ټپیان دي چې ښځې او ماشومان هم پکې شامل دي.
د ملګرو ملتونو د معلوماتو له مخې، د دغو جګړو له امله په افغانستان کې نږدې ۶۶ زره کسان بېځایه شوي دي.
ولکر ترک ټینګار کړی چې روان کړکېچ د خلکو ستونزې لا پسې زیاتوي او دواړه هېوادونه باید خپل اختلافونه د خبرو او دیپلوماسۍ له لارې حل کړي.
