د طالبانو حکومت د ارشاد، حج او اوقافو وزارت ویلي، په کابل کې یو چینايي تبعه «منخای شیاء» چې ۵۱ کاله عمر لري، په خپله خوښه د اسلام دین قبول کړی دی.
د وزارت په وینا، نوموړی چې له څه مودې راهیسې افغانستان کې اوسېده، د اسلام د حقانیت له درک او له مسلمانانو سره د تعامل وروسته د اسلام دین منلو پرېکړه وکړه او د همدې لپاره یې وزارت ته مراجعه وکړه.
د یاد وزارت په وینا، هغه وروسته د پل خشتي جامع جومات ته یوړل شو، د شهادت کلمه ورته تلقین شوه او د «محمد بلال» اسلامي نوم پرې کیښودل شو.
وزارت ویلي، نوموړي ته د اسلام بنسټیز اصول، عقیده او عبادات هم ور وښودل شول، څو خپل نوی اسلامي ژوند د سمو دیني لارښوونو پر بنسټ پیل کړي.
