د ایران د بهرنیو چارو وزیر، سید عباس عراقچي ویلي چې له اټومي کارپوهانو سره به یوځای د دوشنبې په ورځ له رافائل ماریانو ګروسي سره ژورې تخنیکي خبرې وکړي.
نوموړي زیاته کړې چې د امریکا سره د سېشنبې ورځې د ډیپلوماټیکو لیدنو څخه مخکې به د عمان د بهرنیو چارو له وزیر بدر البوسعیدي سره هم وګوري.
عراقچي ویلي چې دا مهال په ژنو کې حضور لري او د یوه عادلانه او منصفانه هوکړې د ترلاسه کولو لپاره له واقعي نظریو سره راغلی دی.
هغه ټینګار کړی: «هغه څه چې د خبرو پر مېز نه دي، د ګواښونو پر وړاندې تسلیمېدل دي.»
