د پخواني حکومت لومړي مرستیال امرالله صالح ویلي، د خیبر پښتونخوا وروستی برید د پاکستان د وېش پیل دی.
نوموړي په ایکس لیکلي چې د پاکستان هوايي ځواک پر ملکي کورونو بمباري کړې او ۲۳ تنه یې وژلي دي.
صالح ویلي که دا پېښه په پنجاب کې شوې وای، د پاکستان رسنیو به توند غبرګون ښودلی وای.
هغه ټینګار کړی چې د قبایلي سیمو خلک تل د پاکستان د سیاست قرباني شوي او دا ډول کړنې د دغه هېواد د ټوټې کېدو نښه ده.
