چین د اسراییل له خوا په قطر ترسره شوی برید په کلکو ټکو غندلی او دا یې د قطر د ملي حاکمیت او امنیت سرغړونه بللې ده.
د چین حکومت ویاند لین جیان په خپله ایکس پاڼه، د دې برید له امله د منځني ختیځ په سیمه کې د کړکېچ د پراخېدو ژوره اندېښنه ښودلې ده.
نوموړي ویلي، دغه برید د غزې د اوربند خبرو ته جدي زیان رسولی او د سیمې د سولې هڅې یې په خطر کې اچولې دي.
نوموړي د اسراییل په ګډون ټولو اړخونو ته غږ کړی چې د کړکېچ د پای ته رسولو او د خبرو د بیا پیل لپاره هڅې وکړي، نه دا چې د جګړې د پراخېدو سبب شي.
