په افغانستان کې د خوړو نړيوال سازمان (WFP) خبرداری ورکړی چې د زلزله ځپلو لپاره يې بودجه په خلاصېدو ده او مرستې يوازې تر راتلونکو څلورو اوونيو بسيا کېږي.
د دې ادارې په وينا، د اوږدمهال لپاره د ستونزو د حل امکانات نه لري.
د ملګرو ملتونو د شمېرو له مخې، د ۲۰۲۵ کال لپاره د افغانستان بودجه تر ۳۰۰ ميليونه ډالرو کمه ده، حال دا چې په ۲۰۲۲ کې له ۱.۷ ميليارد ډالرو زياته وه.
د طالبانو حکومت د رسمي معلوماتو پر بنسټ، د کونړ وروستۍ زلزلې کې ۱۴۵۷ کسان وژل شوي، ۳۳۹۴ ټپيان دي او شاوخوا ۶۷۰۰ کورونه نړېدلي دي.
بل لورته ملګري ملتونه وايي چې ښايي دا شمېرې نورې هم لوړې شي.
