د جمهوري حکومت د وسله وال پوځ پخواني ویاند اجمل عمر شینواري ویلي، چې د اګست پنځلسمه هغه دوښمن ته لاس تړلې تسلیمي ده چې دوی ورته د خپل هېوادوال په سترګه کتل.
د عمر په خبره، جبري مهاجرتونه، رواني شکنجې، له دغې ورځې راهیسې پیل شوې.
نوموړي ویلي، که د افغانستان ستونزه خلکو سره له تعامل پرته حل شوه؛ نو طالبان به بیا افغانستان کې د پښو ځای ونه لري.
ښاغلی شینواری دا څرګندونې داسې مهال کوي چې د طالبانو حکومت وایي له هیڅ لوري سره خبرو ته چمتو نه دي.
تازه د طالبانو حکومت د بهرنیو چارو سرپرست وزیر امیرخان متقي ویلي چې دوی پر ټول افغانستان حاکمان دي او هیڅ ټول ټاکنې به هم ونه کړي.
د یادونې ده چې د اګست پنځلسمه واک ته د طالبانو حکومت د رسېدو له درېیمې کالیزې سره برابره ده، چې ډېرو سیاسیونو یوه توره ورځ بللې.
