د امریکا ولسمشر ډونالډ ټرمپ د امریکا د خپلواکۍ د ۲۵۰مې کلیزې د لمانځنې په مراسمو کې ټینګار وکړ چې امریکایان به هېڅکله خپله ازادي له لاسه ور نه کړي او هېواد به یې د کمونېزم پر لور ولاړ نه شي.
ټرمپ د مراسمو پر مهال د امریکا له تاریخي ملي بیرغونو څخه یو نندارې ته وړاندې کړ او ویې ویل، دا هماغه بیرغ دی چې د خپلواکۍ د جګړې پر مهال رپېده، هغه وخت چې برېتانوي ځواکونو په یارکټاون کې تسلیمۍ ته غاړه کېښوده.
هغه وویل، د همدې تاریخي بریا له امله نړۍ پوه شوې چې امریکایان به هېڅکله چاته اجازه ور نه کړي چې ازادي ترې واخلي.
ټرمپ همداراز د کوریا جګړې هغو پخوانیو سرتېرو ته درناوی وکړ چې د چوسین د زېرمتون په جګړه کې یې برخه اخیستې وه او ویې ویل: «امریکا به هېڅکله کمونیستي هېواد نه شي.»
د مراسمو په پای کې ټرمپ او مېرمن یې، مېلانیا ټرمپ، د امریکا ملي سرود ته د درناوي مراسم هم ترسره کړل.
