تحریک طالبان پاکستان يا ټيټيپي د خیبر پښتونخوا د ټانک ولسوالۍ د منجيخېلو پر امنیتي پوستې د شوي برید مسؤلیت منلی او د عملیاتو په اړه یې خپله اعلامیه خپره کړې ده.
دغه ډلې ادعا کړې چې وسلهوالو یې د شپې له خوا پر ګډ پوځي او پولیسو کمپ برید کړی، چې ورسره څو ساعته نښته روانه وه.
د ټيټيپي په وینا، په برید کې ۴۰ امنیتي ځواکونه يې وژلي او ګڼ نور ټپيان شوي دي.
ټيټيپي همداراز ویلي، د دې برید پر مهال د دوی څلور غړي هم وژل شوي دي.
بل لور ته، د پاکستان پوځ په خپله رسمي اعلامیه کې ویلي چې په دې برید کې ۱۵ امنیتي سرتېري وژل شوي او ۱۲ بریدګر هم د امنیتي ځواکونو له لوري وژل شوي دي.
