د اسراییل لومړي وزیر، بنيامين نتنياهو ویلي چې د امریکا له ولسمشر ډونالډ ټرمپ سره په ډېرو موضوعاتو کې موافق دی، خو په ځینو مواردو کې ورسره اختلاف نظر هم لري.
نتنياهو په یوه ټلویزیوني خبري مرکه کې وویل: «زه او ټرمپ شریکان یو؛ په ډېرو مسایلو موافق یو، خو کله ناکله اختلاف هم لرو.»
هغه ټینګار کړی چې د اسراییل پوځ به په لبنان کې د امنیتي حایل سیمې څخه ونه وځي او هلته به خپل حضور وساتي.
د نوموړي په وینا، امریکا د دې پرېکړې درناوی کوي.
نتنیاهو زیاته کړې چې د اسراییل پوځ به تر هغه وخته په غزه، لبنان او سوریه کې په هغو سیمو کې پاتې شي چې اسراییل یې امنیتي حایل سیمې ګڼي.
د اسراییل لومړي وزیر همدارنګه ویلي چې د ایران د اټومي وسلو د ترلاسه کولو د مخنیوي لپاره به هر اړین اقدام ترسره کړي.
