ملګرو ملتونو کې د ایران استازولۍ له غړو هېوادونو غوښتي چې د امنیت شورا هغه د پرېکړهلیک مسوده رد کړي، چې د امریکا په ملاتړ د هرمز تنګي په اړه وړاندې شوې ده.
د ایران استازولۍ په یوه رسمي دریځ کې واشنګټن تورن کړی چې د «کښتۍ تګ راتګ ازادۍ» مفهوم د بحران د حل پر ځای د خپلو سیاسي موخو د پرمخ وړلو لپاره کاروي.
بل لور ته، امریکا او متحدینو یې د امنیت شورا ته داسې مسوده وړاندې کړې چې پکې له ایران څخه غوښتل شوي د کښتيو پر وړاندې بریدونه ودروي او په هرمز تنګي کې د نړیوالو کښتیو تګ راتګ بېرته عادي کړي.
په دې مسوده کې د نه پلي کېدو په صورت کې د بندیزونو د لګولو ګواښ هم شامل دی.
