محمد باقر قاليباف د ایران د پارلمان د غړو د اکثريت رایو په ترلاسه کولو سره د اووم پرلهپسې کال لپاره د اسلامي شورا د مجلس د رییس په توګه وټاکل شو.
قالیباف د ایران له مهمو سیاسي څېرو ګڼل کېږي او د تهران او واشنګټن ترمنځ د روانو خبرو او کړکېچونو پر مهال هم د اغېزناکو چارواکو له ډلې شمېرل کېږي.
هغه تر دې وړاندې د تهران ښاروال، د سپاه پاسداران قومندان او د ولسمشرۍ ټاکنو نوماند هم پاتې شوی دی.
