د ایران د سپاه پاسداران ویاند ویلي، د هېواد امنیتي ځواکونه د ایران پر ضد د احتمالي ګواښونو او پلانونو په اړه بشپړ معلومات لري او یوازې د هرمز تنګي ته نه دي متوجه.
هغه ادعا کړې چې د ایران مخالفې ډلې، د حکومت وسلهوال مخالفین او شاهي پلویان د بهرنیو ملاتړونو په مرسته هڅه کوي د هېواد دننه ګډوډۍ رامنځته کړي او د تېرو کلونو د اعتراضونو په څېر وضعیت تکرار کړي.
د سپاه پاسداران ویاند ویلي، د امریکا په ملاتړ ځینې بېلتونپالې ډلې غواړي د ایران خاورې ته ننوځي او له داخلي ناارامیو څخه په استفادې بریدونه ترسره کړي.
د نوموړي په وینا، په شمال لوېدیځو سیمو کې د سپاه روان عملیات د همدې لپاره دي، څو د دغو ډلو فعالیتونه له پراخېدو مخکې وځپل شي.
