د کریملېن ویاند دیمیتري پسکوف ویلي، چې د دې سفر لپاره ټولې تیاریانې بشپړې شوې دي، خو تر اوسه د سفر دقیق مهالویش نه دی اعلان شوی.
د روسې ارټي رسنۍ راپور ورکړی، چې ښايي پوتین راتلونکې اوونۍ بېجینګ ته ولاړ شي او هلته له چینایي چارواکو سره پر سیاسي او اقتصادي همکاریو خبرې وکړي.
دا په داسې حال کې ده چې د امریکا ولسمشر ډونالډ ټرمپ هم چین ته سفر کړی او د دواړو قدرتونو اړیکې د نړیوالو پام ځانته اړولی دی.
پوتین وروستی ځل تېر کال بېجینګ ته تللی و، چې هلته یې په پوځي مراسمو او لوړې کچې غونډو کې ګډون کړی و.
