دوشنبه, نوومبر 16, 2026
Homeسیمهد وېلز شهزاده او شهزادګۍ د درې ورځني سفر لپاره هند ته...

د وېلز شهزاده او شهزادګۍ د درې ورځني سفر لپاره هند ته رسېدلي

د برېټانیا د وېلز سیمې شهزاده ویلیم او مېرمن یې شهزادګۍ کاترین د درې ورځني رسمي سفر لپاره هند ته رسېدلي دي. ټاکل شوې چې دوی د دغه سفر په ترڅ کې د هند له لومړي وزیر نریندرا مودي سره هم وګوري.

دا په تېرو څلورو کلونو کې د ویلیم او کاترین لومړی ګډ رسمي بهرنی سفر دی. د کاترین د سرطان درملنې له امله د هغې نړیوال سفرونه محدود شوي وو، خو نوموړې به په هند کې له خپل مېړه سره په څو پروګرامونو کې ګډون وکړي.

د دغه سفر ډېری پروګرامونه د «ارټ شاټ» جایزې له پروژې سره تړاو لري؛ هغه پروژه چې شهزاده ویلیم رامنځته کړې او د اقلیمي بدلونونو د حل لپاره هر کال پنځو غوره نوښتونو ته یو میلیون پونډه جایزه ورکوي. د جایزو په مراسمو کې به د هند د برېښنايي ریکشو د پراختیا او د ځنګلي اورونو د ژر تشخیص په ګډون پنځه نوښتونه ګټونکي اعلان شي.

د شاهي کورنۍ غړي به په ممبۍ کې د چاپېریال ساتنې، کرکټ، ځوانو کورنیو او بالیووډ سینما په تړاو هم پروګرامونه ولري. د مراسمو کوربه به د هند د فلمونو مشهور جوړوونکی کرن جوهر وي او د «ټېک دَټ» موسیقي ډله به په کې ننداره وړاندې کړي.

اړونده مطالب

LEAVE A REPLY

Please enter your comment!
Please enter your name here