د امریکا د خزانې وزیر سکاټ بسنت وړاندوینه کړې چې د ایران اقتصاد به د ۲۰۲۶ کال له مارچ د ۲۰۲۷ کال تر مارچ پورې ۲۵ سلنه راکم شي.
بسنت د دې وړاندوینې د وضاحت لپاره ویلي، د شوروي اتحاد له ړنګېدو وروسته د روسیې اقتصاد په درېیو کلونو کې ۲۲ سلنه راکم شوی و، خو په وینا یې، د ایران اقتصادي سقوط به تر دې هم چټک وي.
هغه د ټرمپ د ادارې له لوري د ایران پر وړاندې د بندیزونو او اقتصادي فشارونو کمپاین «د یوه هېواد پر وړاندې په نړۍ کې تر ټولو ستر اقتصادي انزوا» بللی او ویلي یې دي چې د ده پر وړاندې د مرګ ګواښونه ورته ښيي چې اقدامات یې اغېزمن دي.

