د طالبانو حکومت د روغتیا وزارت وایي، د دغه وزارت د مسؤلینو، د هند، ترکیې، ایران او افغانستان د بېلابېلو شرکتونو استازو ترمنځ د B2B ناسته ترسره شوه.
د وزارت په خبره په دغه ناسته کې د يادو هېوادونو د اړوند شرکتونو ترمنځ د سوداګریزو اړیکو د پیاوړتیا، د روغتیايي توکو او محصولاتو د تبادلې او په بېلابېلو برخو کې د ګډو همکاریو د پراختیا په موخه د هوکړه لیکونو په اړه خبرې وشوې.
یاد وزارت دغه زار کاږي چې د روغتیا دویم کورنی او نړیوال پنځه ورځنی نندارتون د روغتیايي سکتور د وړتیاوو معرفي کولو، د کورنیو تولیداتو د پیاوړتیا، د پانګونې راجلبولو او د کورنیو او بهرنیو شرکتونو ترمنځ د سوداګریزو همکاریو د پراختیا په موخه جوړ شوی و.

