د قطر لومړي وزیر شیخ محمد بن عبدالرحمن آل ثاني ویلي، هېڅ بله لاره د هرمز تنګي ځای نه شي نیولی او دغه تنګی د قطر د انرژۍ د صادراتو لپاره حیاتي ارزښت لري.
دا څرګندونې په داسې حال کې کېږي چې سعودي عربستان او متحده عربي امارات د انرژۍ د لېږد لپاره د بدیلو مسیرونو د جوړولو هڅې یادوي.
ال ثاني ټینګار کړی چې د دغه هېواد د صادراتو عمده برخه طبیعي ګاز او مایع طبیعي ګاز جوړوي او له همدې امله د قطر وضعیت د سیمې له هغو هېوادونو سره توپیر لري چې د انرژۍ د لېږد لپاره نورې لارې هم لري.

