د رویټرز د راپور له مخې، د تېلو لېږدوونکي درې ستر ټانکرونه چې د سعودي عربستان بیرغ یې درلود، د هرمز تنګي له لارې په خوندي ډول تېر شوي دي.
پر یاده مهمه لاره دا حرکت د سمندري تګ راتګ د عادي کېدو نښه بلل کېږي، وروسته له هغې چې په سیمه کې د امریکا او ایران ترمنځ د نوې هوکړې راپورونه خپاره شول.
کارپوهان وایي، که د سیمې اوسنی نسبي ثبات دوام وکړي، نو د تېلو سوداګري به په تدریجي ډول بېرته خپل عادي حالت ته راستنه شي.
تر اوسه سعودي عربستان یا د هوکړې اړخونو د تېلو ټانکرونو د تګ راتګ د پیل په اړه څه نه دي ویلي او د وضعیت د بشپړ ثبات په اړه لا هم احتیاط موجود دی.
