د ایران تسنیم خبري اژانس د هغو امریکايي پوځي اډو او تاسیساتو نقشه خپره کړې چې په وینا یې، د ایران له لوري په وروستیو بریدونو کې په نښه شوي دي.
د خپرې شوې نقشې له مخې، په نښه شوې سیمې او هدفونه په لاندې ډول دي:
- د کویټ علي السالم هوايي اډې په بېلابېلو برخو ۱۶ بریدونه
- د کویټ د بوهرینګ کمپ په بېلابېلو برخو ۲۲ بریدونه
- د متحده عربي اماراتو الظفره هوايي اډې په بېلابېلو برخو ۹ بریدونه
- بحرین کې د امریکا د پنځمې سمندري بېړۍ مرکز په بېلابېلو برخو ۱۲ بریدونه
- د بحرین ISA هوايي اډه
- او دوه د لېرې واټن څارنې راداري سیسټمونه په بریدونو کې په نښه شوي.
تسنیم د نقشې ترڅنګ ادعا کړې چې یاد تاسیسات د ایران د عملیاتو پر مهال په نښه شوي دي، خو د دغو ادعاوو په اړه تر اوسه د امریکا له لوري رسمي تایید یا جزییات نه دي خپاره شوي.
