د افغانستان د کرکټ ملي لوبډلې ایرلېنډ ته د لوبلړۍ په دویمه یو ورځنۍ لوبه کې د ۹۲ منډو په ستر توپیر ماتې ورکړه.
د افغان لوبډلې په ګټه په توپ وهنه کې ابراهیم ځدراڼ ۸۴، صدیق اتل ۴۵، حشمت الله شهیدي ۳۶، عظمت الله عمرزي ۳۳، رحمن الله ګربز ۳۲ او رحمت شاه ۳۰ ډېرې منډې وکړې.
په توپ اچوونه کې راشد خان ۶، عظمت الله عمرزي ۲ او فضل الحق فاروقي یوه وېکټ ترلاسه کړه.
درېیمه یو ورځنۍ لوبه د روانې اګسټ میاشتې په لسمه ترسره کیږي.
