د هېواد پخوانی لوی څارنوال محمد فرید حمیدي وایي، افغانستان په تېر کال کې داسې شاتګ وکړ، لکه څو لسیزې یې چې بایللې وې.
نوموړی وایي، تاریخ سره هغه ملتونه مخکې تګ کولای شي، چې په سمه ولاړ وي؛ خو زیاتوي چې د کابل او کندهار واکمنان د سمې پر ځای په کږه ولاړ دي.
ښاغلی حمیدي وایي، طالبانو ښځې له ژونده ایستلې او د نجونو پرمخ یې ښوونخي تړلي، چې دا یوه غیر انساني کړنه ده.
د هغه په خبره، نارینه له باکیفیته زدهکړو لرې شوي، ادارې له غیر مسلکي کسانو ډکې دي، درانده مالیات وضع شوي، کانونه او شخصي شتمنۍ لوټ کېږي، د خلکو سپکاوی او شکنجه، د مخالفانو هدفي وژنې، جنسي تېري او پراخ فساد هغه څه دي چې افغانستان یې لسیزې شاته وغورځوو.
