پاکستاني چارواکي وایي چې د پنجاب ایالت د وروستیو ورښتونو او سېلابونو له امله ۲۰ کسان مړه شوي او ګڼ شمېر نور له خپلو سیمو بېځایه شوي دي.
دوی وايي چې د درېیو لویو سیندونو د اوبو د زیاتوالي له امله پراخ سېلابونه راوتلي، چې له امله یې کلیوالې سیمې لاندې شوې دي.
راپورونه ښيي چې د ټول هېواد په کچه د وروستیو طبیعي پېښو له کبله تر ۸۰۰ ډېر کسان مړه شوي، پراخې ویجاړۍ رامنځته شوې او سلګونه زره کسان بېځایه شوي دي.
د پاکستان د بهرنیو چارو وزیر اسحاقدار ویلي، طالبانو په خپل حکومت کې د تحریک طالبان پاکستان سلګونه پلویان ځای کړي او اسلاماباد له طالبانو غواړي چې پر دې ډلې اقدامات وکړي.
هغه د طالبانو حکومت د بهرنیو چارو وزیر امیرخان متقي له خولې ویلي چې ۷۰۰ سرحدي پوستې د دغې ډلې د نفوذ د مخنیوي لپاره جوړې شوې دي.
اسحاقدار ټینګار کړی چې غوښتنه یې روښانه ده:«یا دې د تحریک طالبان پاکستان غړي له پولو لرې کړي او یا دې اسلاماباد ته وسپاري.»
هغه زیاته کړې،.چې د افغانستان ثبات د پاکستان په ګټه دی او د چین ـ پاکستان ـ افغانستان د اورګاډي پروژه به ستر اقتصادي فرصتونه رامنځته کړي.
دا په داسې حال کې ده چې څو ورځې وړاندې پاکستان د افغانستان په ځینو سیمو هوایي بریدونه وکړل او څو تنه عام وګړي یې ووژل.
د پاکستان د بهرنیو چارو وزیر اسحاقدار ویلي، طالبانو په خپل حکومت کې د تحریک طالبان پاکستان سلګونه پلویان ځای کړي او اسلاماباد له طالبانو غواړي چې پر دې ډلې اقدامات وکړي.
هغه د طالبانو حکومت د بهرنیو چارو وزیر امیرخان متقي له خولې ویلي چې ۷۰۰ سرحدي پوستې د دغې ډلې د نفوذ د مخنیوي لپاره جوړې شوې دي.
اسحاقدار ټینګار کړی چې غوښتنه یې روښانه ده:«یا دې د تحریک طالبان پاکستان غړي له پولو لرې کړي او یا دې اسلاماباد ته وسپاري.»
هغه زیاته کړې،.چې د افغانستان ثبات د پاکستان په ګټه دی او د چین ـ پاکستان ـ افغانستان د اورګاډي پروژه به ستر اقتصادي فرصتونه رامنځته کړي.
دا په داسې حال کې ده چې څو ورځې وړاندې پاکستان د افغانستان په ځینو سیمو هوایي بریدونه وکړل او څو تنه عام وګړي یې ووژل.
د ازادۍ جبهې ادعا کړې چې د کندز ښار په دویمه امنیتي حوزه کې یې د طالبانو حکومت پر قرارګاه برید کړی، چې په ترڅ کې یې ۲ طالب سرتېري وژلي او ۲ نور یې ټپیان کړي دي.
یادې جبهې ویلي، چې دغه برید تېره شپه ترسره شوی.
سیمهییزو سرچینو هم د کندز ښار کې د یوې چاودنې راپور ورکړی و.
دغې جبهې دوه ورځې وړاندې هم په کابل ښار کې د طالبانو پر یوه مرکز د برید مسوولیت منلی و.
د جرمني د ګوسترو ښار د کډوالو په یوه کمپ کې یو افغان کډوال پر خپلو دوو هېوادوالو د چړې برید کړی دی.
د چارواکو په وینا، په دې پېښه کې یو ۲۵ کلن ځوان ځای پر ځای وژل شوی او بل تن په سخت ټپي حالت کې روغتون ته لېږدول شوی دی.
د روستوک څارنوالۍ ویلي، ۲۳ کلن افغان تورن تر برید وروسته نیول شوی او دا مهال تر محاکمې مخکې په توقیف کې ساتل کېږي.
عیني شاهدان وایي چې بریدګر د پېښې پر مهال د ودانۍ په دویم پوړ کې پر دواړو کسانو څو ځله د چړې ګوزارونه وکړل، او ویل کېږي چې نوموړي تر پېښې وړاندې شراب څښلي وو.
د دې کمپ ډېری اوسېدونکي د افغانستان او سوریې کډوال دي.
د امریکا استخباراتو پخواني لوړپوړي غړي او د پوهنتون استاد پاول ډي مېلر ویلي، چې متحده ایالتونه په افغانستان کې نه د ترهګرۍ پر ضد جګړه کې بریالي شول او نه یې یو باثباته دولت جوړ کړ.
هغه دا څرګندونې د خپل نوي کتاب «ماتې انتخاب» په تړاو کړي، چې له ۲۰۰۱ تر ۲۰۲۱ پورې د امریکا د جګړې، پرېکړو او ناکامیو ارزونه کوي.
ډي مېلر وايي، واشنګټن خپلې اساسي موخې، لکه د القاعده له منځه وړل، د ترهګرو د پناه ځایونو ختمول او د افغان دولت جوړول پوره نه کړې.
هغه د دوحې تړون، د پاکستان دوهګونې سیاست او د امریکا دننه بوروکراتیک سیستم د ماتې مهم عوامل ګڼي.
دی وایي، د جګړې مسئولیت یوازې پر ولسمشرانو نه، بلکې د امریکا پر ولس هم دی، ځکه همدوی دا مشران ټاکلي وو.
د ملګرو ملتونو د ښځو څانګه وایي، د یوې تازه نظرپوښتنې له مخې د افغانستان نږدې نوي سلنه خلک په ښارونو او کلیو کې د نجونو د زده کړو پلوي کوي.
د دې ادارې د بشري حقونو مشرې، سوفیا کالتورپ، په جینوا کې ویلي چې د جولای او اګست په میاشتو کې ترسره شوې سروې ښيي، چې اووه نوي سلنه ښځې باور لري چې د زده کړو بندیز د دوی پر ژوند منفي اغېز کړی، ناهیلي یې کړې او پر رواني حالت یې سخت اغېز کړی دی.
دا په داسې حال کې ده چې له تېرو څلورو کالو راهیسې د طالبانو حکومت د نجونو پر مخ د ښوونځیو او پوهنتونونو دروازې تړلي او د خلاصېدو هیڅ څرک یې نه لېدل کېږي.
د طالبانو حکومت تر واک لاندې د ننګرهار د اطلاعاتو او کلتور ریاست د معلوماتو امر بدلون قریشي وايي، په بېلابېلو ولسوالیو کې د ورښتونو او سیلابونو له امله لږ تر لږه پنځه کسان مړه او اته نور ټپیان شوي دي.
د ده د لومړنیو معلوماتو پر بنسټ، په دغه پېښو کې لویې لارې، سربندونه او زرګونه جریبه کرنیزه ځمکه هم زیانمنه شوې ده.
د یادونې ده چې په دې وروستیو کې ورښتونو او سیلابونو د افغانستان ترڅنګ پاکستان کې هم ډېری تلفات رامنځته کړي دي.
د بشري حقونو د نړیوالو وکیلانو ټولنې په تازه راپور کې ویل شوي، چې په تېرو څلورو کلونو کې د طالبانو حکومت تر واک لاندې افغان ښځې او نجونې له سیستماتیکو بشري سرغړونو سره مخ دي.
د بشري حقونو نړیواله ټولنه:
افغانې ښځې او نجونې د سخت بشري ناورین ښکار دي
راپور کې ټینګار شوی، چې نړیواله ټولنه دې د طالبانو کړنې وغندي، پر دغې ډلې دې د حساب ورکولو فشار زیات کړي او افغانانو ته دې خوندي پناه ورکړي.
سرچینه زیاتوي، چې د استرالیا، کاناډا، جرمني او هالنډ په ګډون یو شمېر هېوادونو د ښځو د حقونو د سرغړونو په تړاو د افغانستان پر وړاندې نړیوال عدالت محکمې ته شکایتونه ثبت کړي دي.
دغه اداره د ملګرو ملتونو له خوا د حساب ورکولو د یو ځانګړي میکانیزم د جوړېدو غوښتنه هم کړې ده.
پاکستان د درې اړخیز کرکټ سیالیو په لومړۍ لوبه کې د خپلې پاڼۍ په بشپړولو سره ۱۸۲ منډې جوړې کړې او افغانستان ته یې د ۱۸۳ منډو هدف ورکړ.
په توپ اچونه کې د افغانستان لپاره فرید احمد ملک دوه لوبغاړي وسوځول، په داسې حال کې چې راشد خان، محمد نبي، فضل الحق فاروقي او عظمت الله عمرزي هر یوه یوه وېکټه ترلاسه کړه.