افغان ملي لوبغاړی ابراهیم ځدراڼ چې د ټپ له امله د لېسټ اې لوبو د روان پړاو برخه نه و.

د هند خلاف د افغان لوبډلې د ټیسټ لوبډله هند ته رسیدلې چې ابراهیم ځدراڼ یې برخه نه دی.

ځدراڼ به د ګربز پر ځای لېسټ اې کې د مس عینک زون په ګټه ولوبیږي.

په هالنډ کې مېشتې افغان‌الاصله حقوقي او سیاسي فعالې، څانګه صدیقي ویلي چې د افغان ښځو په اړه د هالنډ د پناه‌غوښتنې په تګلاره کې وروستي بدلونونه یو مهم او پر ځای اقدام دی.

نوموړې ویلي چې په افغانستان کې د ښځو او نجونو پر وړاندې شته محدودیتونه، تبعیض او د بنسټیزو حقونو نقض د دې لامل شوي چې نړیواله ټولنه د دوی د خوندیتوب لپاره ځانګړي تدابیر ونیسي.

صدیقي ټینګار کړی چې د هالنډ له لوري د پناه او اقامت د شرایطو اسانتیا کولی شي هغو افغان ښځو ته د خوندي ژوند زمینه برابره کړي چې له جدي ګواښونو او محدودیتونو سره مخ دي.

نوموړې ويلي چې دا اعلان په داسې حال کې کېږي چې د همدې اوونۍ په ترڅ کې د هالنډ پارلمان د پناه غوښتونکو د ایستلو په اړه یوه توده او جنجالي بحث درلود.

د افغانستان د پخواني جمهوري نظام د بهرنیو چارو وزیر، حنيف اتمر د پښتو ملي ورځې په مناسبت ویلي چې د دې ورځې نمانځنه باید یوازې تر مبارکیو محدوده نه وي، بلکې د پښتو ژبې د ودې، معیاري کېدو او علمي پیاوړتیا لپاره د عملي ګامونو د پورته کولو لامل وګرځي.

اتمر په خپل ايکس پیغام کې پښتو د افغانستان د هویت، فرهنګ او ادبي میراث یوه مهمه برخه بللې او ویلي یې دي چې دې ژبې د هېواد د تاریخ په بېلابېلو پړاوونو کې د خلکو د یووالي، ملي شعور او ازادۍ غوښتنې په پیاوړتیا کې مهم رول لوبولی دی.

هغه ټینګار کړی چې د پښتو ترڅنګ د افغانستان نورې ملي او بومي ژبې هم د هېواد د فرهنګي شتمنۍ برخه دي او د ټولو ژبو متوازن پرمختګ د ملي یووالي د ټینګښت لپاره ارزښت لري.

د نوموړي په وینا، د پښتو ملي ورځ باید د ژبنیو او علمي هڅو د پراخولو، څېړنیزو فعالیتونو د پیاوړتیا او د راتلونکو نسلونو لپاره د ژبني میراث د خوندي ساتلو په موخه د ملي ژمنتیا د تازه کولو فرصت وګرځي.

اتمر د پښتو ژبې لیکوالانو، شاعرانو، څېړونکو او مینه‌والو ته د دې ورځې مبارکي ویلې او د ژبني همغږۍ او ملي یووالي پر اهمیت یې ټینګار کړی دی.

د افغانستان کرکټ ملي لوبډلې پخواني لوبډلمشر اصغر افغان د هېواد له سوداګر ميرويس عزيزي څخه مننه کړې چې د ملي لوبغاړي شاپور ځدران د درملنې ټول لګښتونه یې پر غاړه اخیستي دي.

اصغر افغان ویلي، میرویس عزیزي نه یوازې د شاپور ځدران د روانې درملنې مصارف منلي، بلکې د اپرېل له ۱۵مې نېټې راهیسې د روغتون د پاتې ټولو بیلونو د ادا کولو ژمنه یې هم کړې ده.

نوموړي د میرویس عزیزي دا اقدام د انسانیت، وطن‌پالنې او د ملي اتلانو د درناوي ستر مثال بللی او دعا یې کړې چې الله تعالی دې هغه ته اجر ورکړي.

اصغر افغان همداراز د راشد خان هڅې هم ستایلې او ویلي یې دي چې راشد خان په دې برخه کې بشپړه همغږي او مرسته کړې ده.

د ایران د ملي امنیت شورا د بهرني سیاست او نړیوال امنیت مرستیال علي باقري وایي، د سیمې د بې ثباتۍ اصلي لامل د امریکا او اسرایئلو حضور او نفوذ دی. د باقري په وینا، که امریکا له لوېدیځې آسیا ووځي، نو دغه سیمه به «د نړۍ تر ټولو باثباته او غوره سیمه» شي.

باقري مسکو ته د سفر پر مهال د روسیې ټوډې (RT) شبکې سره په مرکه کې ویلي، د ایران او ګاونډیو هېوادونو ترمنځ کومه اساسي ستونزه نشته، خو که امریکا او د هغې پوځي اډې له سیمې ووځي، سیمه به له ثبات، امنیت او سولې برخمنه شي او د ټولو هېوادونو د پرمختګ لپاره به زمینه برابره شي.

باقري همداراز ادعا کړې چې امریکا او اسرائیل په دې وروستیو کې پر ایران پوځي بریدونه کړي، په داسې حال کې چې له تهران سره خبرې روانې وې او امریکا د دغو بریدونو لپاره د سیمې پوځي اډې هم کارولې دي.

باقري د ایران او امریکا د مذاکراتو په اړه، چې پاکستان په کې منځګړیتوب کوي ویلي، د خبرو بریا هغه وخت ممکنه ده چې واشنګټن خپل ډېر «فرمایشونه» پای ته ورسوي.

نوموړي همداراز د هرمز تنګي په اړه خبرداری ورکړی چې ایران به اجازه ورنه کړي دغه ستراتیژیکه سمندري لاره د ایران د ملي امنیت پر ضد وکارول شي.

دا په داسې حال کې ده چې د پاکستان په منځګړیتوب د امریکا او ایران خبرې چې په دې وروستیو کې په کې پرمختګ لیدل کېده، له څو ورځو راهیسې ټکنۍ شوي او د دواړو لوریو ترمنځ هوکړې ته د رسېدو لپاره کوم څرک نه لیدل کیږي.

د ایران د ملي امنیت شورا د بهرني سیاست او نړیوال امنیت مرستیال علي باقري وایي، د سیمې د بې ثباتۍ اصلي لامل د امریکا او اسرایئلو حضور او نفوذ دی. د باقري په وینا، که امریکا له لوېدیځې آسیا ووځي، نو دغه سیمه به «د نړۍ تر ټولو باثباته او غوره سیمه» شي.

باقري مسکو ته د سفر پر مهال د روسیې ټوډې (RT) شبکې سره په مرکه کې ویلي، د ایران او ګاونډیو هېوادونو ترمنځ کومه اساسي ستونزه نشته، خو که امریکا او د هغې پوځي اډې له سیمې ووځي، سیمه به له ثبات، امنیت او سولې برخمنه شي او د ټولو هېوادونو د پرمختګ لپاره به زمینه برابره شي.

باقري همداراز ادعا کړې چې امریکا او اسرائیل په دې وروستیو کې پر ایران پوځي بریدونه کړي، په داسې حال کې چې له تهران سره خبرې روانې وې او امریکا د دغو بریدونو لپاره د سیمې پوځي اډې هم کارولې دي.

باقري د ایران او امریکا د مذاکراتو په اړه، چې پاکستان په کې منځګړیتوب کوي ویلي، د خبرو بریا هغه وخت ممکنه ده چې واشنګټن خپل ډېر «فرمایشونه» پای ته ورسوي.

نوموړي همداراز د هرمز تنګي په اړه خبرداری ورکړی چې ایران به اجازه ورنه کړي دغه ستراتیژیکه سمندري لاره د ایران د ملي امنیت پر ضد وکارول شي.

دا په داسې حال کې ده چې د پاکستان په منځګړیتوب د امریکا او ایران خبرې چې په دې وروستیو کې په کې پرمختګ لیدل کېده، له څو ورځو راهیسې ټکنۍ شوي او د دواړو لوریو ترمنځ هوکړې ته د رسېدو لپاره کوم څرک نه لیدل کیږي.

د انګلستان د کرکټ ملي لوبډلې روزونکي برېنډن مککولم ویلي، چې د وروستیو سیالیو له تجربو وروسته به د لوبډلې پر نظم، مسلکیتوب او فزیکي چمتووالي سخت معیارونه پلي شي.

نوموړي ویلي چې په ځینو تېرو سفرونو کې د لوبډلې د ناسمې انضباطي چلند له امله د تمې خلاف پایلې ترلاسه شوې دي.

هغه زیاته کړې چې د راتلونکو مهمو نړیوالو سیالیو لپاره به د لوبغاړو د فټنس او د لوبې د پلان په برخه کې جدي بدلونونه راشي، څو لوبډله په لوړ معیار سره سیالیو ته چمتو شي.

د هغه په وینا، هدف دا دی چې انګلستان د نړیوالو ټورنمنټونو لپاره یوه منظم، ثابت او سیالي کوونکې لوبډله ولري.

د کرکټ شنونکي باور لري چې دا اصلاحات کولی شي د انګلستان لوبډله په راتلونکو نړیوالو سیالیو کې لا پیاوړې کړي، په ځانګړي ډول د هغو ټیمونو پر وړاندې چې په وروستیو کلونو کې یې قوي پرفومنس ښودلی دی

نړیوال بانک په خپل تازه راپور کې ویلي، چې په ۲۰۲۶ کال کې د نړیوال اقتصاد د ودې کچه ښايي د پخوانیو اټکلونو پرتله ټیټه پاتې شي.

د راپور له مخې، روانې جیوپولیټیکي شخړې، د سود لوړې کچې او د انرژۍ د بیو بې‌ثباتي د نړۍ پر اقتصاد منفي اغېز کړی دی.

د نړیوال بانک راپور زیاتوي، چې پرمختیايي هېوادونه د پورونو د زیاتوالي او د پانګونې د کمښت له امله له اقتصادي فشار سره مخ دي.

نړیوال بانک له هېوادونو غوښتي چې د سوداګرۍ، پانګونې او اقتصادي اصلاحاتو لپاره ګډ اقدامات وکړي، څو د احتمالي اقتصادي رکود مخه ونیول شي.

اقتصادي شنونکي وايي، که نړیوال وضعیت همداسې دوام وکړي، نو د خوراکي توکو او سونګ بیې به نورې هم لوړې شي، چې اغېزې به یې په ځانګړي ډول پر بېوزلو هېوادونو زیاتې وي.

د ملګري ملتونه اړوند د هوا پېژندنې نړیوال سازمان ویلي، چې د اقلیمي بدلون له امله نړۍ ښايي تر ۲۰۳۰ کال پورې د تاریخ تر ټولو ګرم کال تجربه کړي.

راپور کې ویل شوي چې د ځمکې د تودوخې کچه په چټکۍ لوړېږي او دا وضعیت د سختو موسمي بدلونونو لامل ګرځي.

د اروپايي ټولنې چارواکو ویلي، چې د اوکراین جګړه کې د روسیې وضعیت مخ په کمزورۍ دی او اوس جګړه د اوکراین په ګټه بدلېدونکې ښکاري.

د اروپايي ټولنې د بهرنیو سیاستونو مسؤلې کایا کالاس ویلي، اروپا به له اوکراین خپل ملاتړ ته دوام ورکړي او پر روسیې یې د بې‌قید شرط اوربند غوښتنه کړې ده.

نوموړې زیاته کړې، چې روسیې په وروستیو میاشتو کې د جګړې په ډګر کې درانه تلفات ګاللي او اقتصادي بندیزونو هم پر مسکو فشار زیات کړی دی.

هغې ټینګار کړی، چې اروپايي هېوادونه به د اوکراین دفاعي او مالي ملاتړ نور هم پیاوړی کړي.

بلخوا، د اوکراین ولسمشرۍ ماڼۍ ویلي، چې د لوېدیځو متحدینو دوامدار ملاتړ د اوکراین ځواکونو مورال لوړ کړی او هڅه کوي هغه سیمې بېرته ونیسي چې روسیې نیولې دي.

په ورته وخت کې، روسي چارواکو د اروپايي ټولنې څرګندونې “سیاسي تبلیغات” بللي او ویلي یې دي چې خپل پوځي عملیاتو ته به دوام ورکړي.