سهیل شاهین:که هند «اسلامي امارت» په رسمیت وپېژني؛ نو د دواړو هېوادونو اړیکې به نورې هم پراخې شي

په قطر کې د طالبانو حکومت سفیر سهیل شاهین وایي، د هند او افغانستان ترمنځ د اړیکو لوړولو مسئله د امیرخان متقي د سفر اصلي محور دی.

هغه د CNN سره په مرکه کې ویلي چې د هند له‌خوا د “اسلامي امارت” د رسمیت پېژندنه به د دواړو هېوادونو اړیکې نورې هم عادي کړي.

شاهین زیاته کړې، “اسلامي امارت” هېچا ته د افغانستان د خاورې د نېولو اجازه نه ورکوي، او د بشري حقونو په اړه نړیوال تبلیغات له حقیقت لرې دي.