د بلخ پخوانی والي عطاء محمد نور په هغو کسانو سخته نیوکه وکړه چې په افغانستان کې د روانې کشالې حل لاره جګړه بولي.
ښاغلي نور جنګ غوښتونکي «درباري روشنفکران او د قومي مشرانو خدمت کوونکي» وباله او زیاته یې کړه کله چې د سولې او خبرو اترو فرصت وي جنګ جګړو ته هیڅ اړتیا نشته.
نوموړی زیاتوي، هر کله چې دې نتیجې ته ورسیده چې د سولې او خبرو اترو بهیر نتیجه نه ورکوي، جګړه د حل لاره ده؛ خو تر دې وړاندې ولې د غریبو اولادونه د یوې نامعلومې جګړې قربانیان وي.
