د ملي امنیت پخوانی رییس رحمت الله نبیل وایي، افغانستان نه یوازې د تروریستي ډلو په پټنځای؛ بلکې د افراط ګرو په یو دولت بدل شوی.
هغه د هرات دولسم امنیتي کنفرانس ته چې په مادرید کې جوړ شوی و، ویلي، چې طالبان اوس په ټول افغانستان کنټرول لري او د یو هېواد ټولې مالي او دیپلوماتیکې سرچینې د ترهګرو د پیاوړتیا لپاره کاروي.
نبیل خبرداری ورکړی، چې داعش خراسان ډله په تېزۍ سره د پراخېدو په حال کې ده او افغانستان پر دویمې سوریې بدلېدونکی دی.
نوموړی ویلي، نړۍ باید په دې اړه چوپتیا غوره نه کړي.
