د فرانسې په مولوز ښار کې یو تن د چاقو په ګزارونو سره وژل شوی دی.
ویل کېږي، چې برید د یو ۳۷ کلن سړي له لوري په پولیسو شوی؛ خو یو پرتګالي وګړي چې د مداخلې هڅه کړې، پکې خپل ژوند بایللی، پېښه کې پنځه پولیس ټپیان شوي، چې درې یې سطحي او د دو تنو ټپونه یې ژور دي.
فرانسوي چارواکي وايي، چې بریدګر تر دې وړاندې هم د ترهګریزو ګواښونو له کبله تر څار لاندې وو او دوی څو ځله هڅه وکړه، چې دا کس خپل هېواد الجزایر ته انتقال کړي؛ خو هغوی یې له منلو ډډه کړې.
