د هیواد پخواني ولسمشر حامد کرزي په افغانستان کې د ایران له سفیر رضا بیګدلي سره کتلي.
ښاغلي کرزي په خپله ایکس پاڼه لیکلي، چې په دې ناسته کې یې د سیمیزو وضیعتونو او د دواړو هیوادونو د اړیکو پر پراختیا او تحکیم ټینګار کړی دی.
نوموړي په دې ناسته کې د ایران له سفیر مننه کړې چې په ایران کې یې افغان محصلینو ته د زده کړو فرصتونه برابر کړي دي.
هغه دغه راز له ایران سره د ګډو کلتوري میراثونو د لاپیاوړتیا لپاره یاده ناسته ګټوره بللې.
