د «ویانا پروسې» تر نامه لاندې د طالبانو د مخالفو جبهو پنځمه ناسته نن سه شنبه په اتریش کې پیل شوه.
په دې غونډه کې د مقاومت د جبهې مشر احمد مسعود او د ازادۍ جبهې مشر جنرال یاسین ضیا هم ګډون کړی.
دغه غونډه د رسنيو له شتون پرته د بندو دروازو تر شاه پيل شوې ده.
د غونډې تنظیموونکي وایي، په دې غونډه کې افغان سیاسي شخصیتونو، پخوانیو ديپلوماټانو او د بشري او میرمنو برخې فعالانو هم برخه اخیستې ده.
