کابل کې د ایران پخواني سفیر رسول موسوي ویلي، ښایي د طالبانو حکومت د داخلي پاڅون او یاهم بهرنۍ لاسوهنې له کبله تغییر شي.
نوموړی وایي، د طالبانو حکومت اوس انحصاري بڼه لري.
د ایرنا د خبر له مخې، رسول موسوي زیاته کړې، د طالبانو حکومت له درې سناریوګانو سره مخ دی، چې یا به اوسنی انحصار دوام کوي، یا به طالبان خپل سیاست بدلوي او یا به یې رژیم تغییر خوري.
د موسوي په خبره، د تروریستي ډلو په اړه د سیمې اندېښنې له طالبانو سره د دغو هېوادونو د نه همکارۍ سبب شوې دي.
