د ننګرهار په لعلپورې ولسوالۍ کې د ډیورنډ فرضي کرښې پر سر د طالب پوله ساتو او پاکستاني پوځیانو ترمنځ نښته شوې ده.
یو شمېر سرچینې وایي، چې جګړه هغه مهال رامنځته شوه چې طالب پوله ساتو د خپلې پوستې لپاره مورچه جوړوله او پاکستاني ځواکونو پرې ډزې وکړې.
سرچینو زیاته کړې، چې په ځواب کې طالب پوله ساتو د پاکستاني پوځیانو دوه پوستې په نښه کړې.
تر اوسه ددغې نښتې له کبله د اوښتو تلفاتو په اړه څه نه دي ویل شوي.
