د ترکېې په انقرې کې یو شمیر ډیپلوماتیکې سرچینې ویلي چې پدې هیواد کې د افغانستان سفارت سبا کوربه هیواد ته په رسمي ډول سپارل کیږي.
یوې باخبرې سرچینې د نوم نه ښودلو په شرط ویلي چې په دغه سفارت کې افغان دیپلوماتانو د طالبانو استازو ته د سفارت له تسلیمولو ډډه کړې ده.
د دې سرچینې په وینا، د ترکیې د بهرنیو چارو وزارت د فبرورۍ په درېیمه نېټه دغه سفارت ته یو لیک استولی او له هغه یې د بندولو غوښتنه کړې ده.
