د امریکا ولسمشر ډونالډ ټرمپ له ناټو غوښتي، چې د خپل ناخالص تولید پنځه سلنه دفاعي بودجې ته ځانګړي کړي.
د نیویارک پوسټ د خبر له مخې، ټرمپ ویلي، دی له خپلو متحدانو دا تمه لري، چې دوی د ناخالص تولید پنځه سلنه دفاعې بودجې ته ورکړي او په دې برخه کې باید جدي ګام واخلي.
په ورته مهال د امریکا د ملي امنیت سلاکار مایک والتز ویلي، چې که ناټو دا کار ونه کړي؛ نو د ټرمپ تر فشار لاندې به راشي.
د یادونې ده، چې تر دې وړاندې ناټو سازمان غړو دوه سلنه ناخالص تولید دفاعې بودجې ته ځانګړی کړی وو.
